Suicide

Lagi na lang akong takot sumubok ng mga bagay na hindi ko karaniwang ginagawa. Pero sa pagsusulat, nagiging matapang akong maging malaya sa mga kinatatakutan ko.

Kung hindi ko pakakawalan ang mga salitang nasa loob ko, matagal na akong patay-- patay dahil para ko na ring sinakal ang sarili ko, tinakpan ang lagusan ng hanging nagbibigay buhay sa akin. Ang mga salita ay ang hangin. Ang hangin ay ang mga salita. Kung hindi ko ito pakakawalan, puputok ako gaya ng isang lobo. Lilipad ang gulagulanit kong katawan at dadapo sa sulok sa kung saan.